„Здраво, пријатели. Сакам да ви соопштам ексклузивна вест. Јас сум новиот менаџер на Манчестер Јунајтед“, вели Ерик Кантона во видео објавено на Instagram.
Иако на Олд Трафорд мина само четири и пол сезони и тоа без некаков европски успех, 55-годишниот Кантона стана великан на Манчестер Јунајтед и еден од омилените играчи во историјата на клубот.
Кантона во текот на фудбалската кариера беше склон кон шегување, а тоа го усоврши по пензионирањето така што на ова треба да гледаме како најновиот во низата негови пренкови.
Илјадници навивачи на Јунајтед одушевено реагираа на објавата изразувајќи надеж дека Ерик ќе биде новиот тренер на Јунајтед.