Поради зачестените ерупции, вулканите претставуваат многу поголема закана за човештвото отколку што е мислеше досега, предупредуваат научници од Велика Британија.
Анализирајќи ја вулканската активност во изминатите 100.000 години, истражувачи од Универзитетот во Бристол направија нова хронологија на суперерупции што би можело да произведат околу 1.000 гигатони лава.
Вулканот Јелоустоун во Вајоминг, САД е означен како супервулкан чија ерупција би можело целосно да ја смени климата на Земјата. Во истражувањето на научниците од Бристол се наведува дека катастрофалните ерупции се случуваат на секои 17.000 години.
„Во претходната анализа од 2004 година стоеше дека ваквите ерупции се случуваат на секои 45.000 години. Сега тоа е драстично сменето“, вели Џонатан Руџер, еден од научниците.
Последните две суперерупции се случиле пред 20-30.000 години.
„Сме имале среќа што се нема случено ниту една ерупција оттогаш. Но, важно е и да го цениме тоа. Природата не е секогаш прецизна, затоа мора да бидеме внимателни бидејќи секогаш постои опасност“, додава тој.
Уште во 2014 година научниците предупредија дека вулканот во Јелоустоун „врие“ и дека ако еруптира, градовите во радиус од 500 километри би биле покриени со пепел до колена.
