Властите во Јапонија ги предупредија граѓаните на опасност од големи камења во радиус од четири километри од вулканот Шинмоедаке, кој денеска еруптираше.
Шинмоедаке, висок 1,421 метри, веќе со денови исфрла пепел, потсетува „BBC“.
Вулканската активност би можела да трае уште неколку месеци, тврдат експертите.
Јапонската државна метеоролошка агенција денеска издаде нови предупредувања, истакнувајќи дека камењата би можеле да паѓаат и до четири километри оддалеченост од вулканот.
Таа агенција соопшти дека силни експлозии се случиле во 01:54 и 04:27 по локлано време, односно дека димот достигнал висина од 4.500 метри.
Околните згради се тресат од вибрациите на вулканот, а лава тече од едната страна на Шинмоедаке.
Во филмот за Џејмс Бонд, од 1967 година, „You Only Live Twice“, Шинмоедаке е користен за приказ на надворешниот изглед на тајни локации на една криминална организација.