Вкусна комбинација идеална за есенските и зимските денови.
Потребни состојки:
- 500 г тиква
- 2 помали јаболка
- 1 црвен кромид
- 2 чешни лук
- 2 лажици маслиново масло
- половина лажица сув зачин
- сол, бибер
- мелено мускатно оревче
- 2 лажици препечени семки од тиква
- 1 лажица ситно сечкан магдонос
Начин на подготовка:
Исечете ја тиквата на половина, извадете ги семките и ставете ги на плех обложен со хартија за печење. Покрај неа ставете ги јаболката исечени на половина, исечениот кромид и чешни лук.
Сипете маслиново масло, прекријте со фолија и ставете да се пече во загреана рерна на 200 степени.
Печете околу 40 минути, односно додека месото на тиквата не омекне. Потоа со лажица извадете го од кората, па изгмечете заедно со јаболката, лукот и кромидот додека не добиете пире.
Ставете го во тенџере, додадете вода за да ја добиете саканата густина, сув зачин, сол, бибер и мускантно оревче.
Нека зоврие, па варете уште неколку минути. Чорбата послужете ја додека е топла, со печени семки од тиква и сечкан магдонос.
