Едноставен рецепт за крем супа од брокула, полна со витамини и идеална за целото семејство.
Брокулата има 2.5 пати повеќе витамин Ц од цитрусите. Најдобро е да се консумира свежа или подготвена на пареа. Ако ја варите, внимавајте времето на термичка обработка биде што пократко.
Колку повеќе ја варите брокулата, помалку вредни состојки остануваат во неа.
Потребни состојки:
- една свежа китка брокула
- 1 црвен кромид
- 1 морков
- 1 компир
- малку павлака за готвење
- сол, бибер
Начин на подготовка:
Измијте ги и исчистете ги морковот, кромидот и компирот, па исечкајте ги. Ставете ги во тенџере да се варат. Пред крајот на варењето, додадете цветови брокула бидејќи за неа е потребно најкратко време за варење.
Кога ќе омекнат со рачен миксер изматете ги сите состојки или ставете ги во блендер. Откако ќе добиете течна чорба, додадете од павлаката и оставете да се вари уште неколку минути.
Послужете додека чорбата е топла.
