Есенва ќе има поголем ризик за зараза, колективен имунитет само со вакцинација

Скопје, 18 септември 2021 (МИА) – Со есенските месеци ризик факторите да се добие COVID-19 ќе бидат многу високи. Нема ниту еден аргумент зошто граѓаните не би се вакцинирале, тоа е единствениот начин да постигнеме колективен имунитет, изјави вчера министерот за здравство Венко Филипче, апелирајќи до граѓаните да се вакцинираат. Според податоците од синоќа од Институтот за јавно здравје, од направени 5.589 тестирања има 539 нови случаи на COVID-19, 41 починато лице и 245 оздравени пациенти. Бројот на активни случаи во државава е 13.261.

– Нема ниту еден аргумент зошто граѓаните не би се вакцинирале, тоа е единствениот начин да постигнеме колективен имунитет и да бидеме заштитени. Ризикот да се добие COVID-19 е многу висок. Сега, со есенските месеци, ризик факторите дополнително ќе се зголемуваат, луѓето повторно ќе бидат во затворени простории, затоа, апелирам граѓаните да ја сфатат оваа работа многу сериозно, рече вчера  Филипче.

Филипче, во изјава за Телевизија Сител, вчера посочи дека откако започна вакцинацијата, и сега, со амплификацијата на целиот процес со новите мерки ситуацијата е многу подобрена, но, само кај вакцинираните граѓани.

– Сега имаме пандемија, вирус кој што многу се шири кај невакцинираните граѓани. Огромен процент од вкупниот број на дијагностицирани пациенти, над 87-87 се невакцинирани, исто така, од вкупниот број на починати, близу 90 проценти се невакцинирани граѓани, кажа министерот.

Филипче нагласи дека најавените нови мерки со кои само со примени две дози ќе може да се оди на настани, во затворени простории, во угостителски објекти и молови се логичен след на она што веќе како мерка е воведено и потенцираше дека и при следните мерки, ќе се остави доволно простор, две до три недели, за да можат граѓаните да се вакцинираат.

Во однос на ситуацијата, Филипче потенцираше дека таму каде опфатот со вакцинација е низок преоптоварен е и здравствениот систем, и обратно, онаму каде што има опфатот со вакцинација е прилично висок, како во Охрид, Неготино, Кавадарци, Вевчани, Штип, болниците можат да функционираат само во рамките на инфективните одделенија.

Министерот, на прашањето за третата доза вакцина, истакна оти најверојатно трета доза вакцина ќе биде потребна за сите граѓани.

– Очекуваме да излезат клиничките студии кои што ги прави компанијата „Фајзер“. Според укажувањата и најавите, таа трета доза многу веројатно ќе биде потребна за сите граѓани, но сеуште е рано, чекаме да излезат официјалните студии и потоа да излеземе со соодветна препорака.  Имаме голема разлика кај различни возрасни категории. Вкупниот број на вакцинација е 37 проценти на целокупното население, најмалку со една доза 45-6 проценти од граѓанте и околу 55-6 проценти кај граѓаните над 40 години. Како расте возрасната група на граѓани така се зголемува опфатот со вакцинација на пример близу 70 проценти од граѓаните над 70 години се вакцинирани, рече Филипче.

Независната советодавна комисија на американската Управа за храна и лекови (ФДА) изгласа препорака за трета доза на вакцина против Ковид -19 за Американци на возраст од 65 години и постари, како и за лица со висок ризик од тешки болести, откако со големо мнозинство е одбиена препораката за нејзина поширока примена. Комисијата, исто така, препорача ФДА да ги вклучи во одлуката здравствените работници и другите луѓе со висок ризик од професионална изложеност на коронавирусот, како на пример просветните работници.

Научната заедница во САД во изминатите денови е поделена околу потребата за трета доза и околу прашањето кој треба да ја прима, додека Светската здравствена организација не се согласува богатите земји да им даваат трета доза на своите жители, додека сиромашните држави немаат доволно вакцини ниту за прва доза.

Од почетокот на пандемијата вкупниот број ковид-дијагностицирани во државава изнесува 186.549, бројот на оздравени пациенти е 166.851, а на починати е 6.437.

реклама

Избрани 31 градоначалник во првиот круг, ВМРО-ДПМНЕ со најмногу победници

Read more

Малолетната ќерка на Хајди Клум позираше со разголени гради за Rollacoaster

Read more

Апасиев: Имаме советници во над 30 општини

Read more

Кање со бизарна маска се појави на свадба кај синот на најбогатиот човек во светот

Read more

Македонија

ДИК: Градоначалници добија 34 општини, првиот круг ќе се повтори во две општини

Read more

Прес-конференција на Државната изборна комисија (во живо)

Read more

Заев: Граѓаните пратија порака и ние таа порака мораме да ја слушаме

Read more

107 нови случаи од 1668 тестирања, 19 лица починаа од COVID-19

Read more
 

Вести

  • play_arrow

ДИК: Градоначалници добија 34 општини, првиот круг ќе се повтори во две општини

Читај повеќе
  • play_arrow

Прес-конференција на Државната изборна комисија (во живо)

Читај повеќе

Заев: Граѓаните пратија порака и ние таа порака мораме да ја слушаме

Читај повеќе

Жртвите во нападот во Норвешка не се убиени со лак и стрела, тврди полицијата

Читај повеќе

Словенечката опозиција бара оставка од Владата по смртта на вакцинирана девојка

Читај повеќе

107 нови случаи од 1668 тестирања, 19 лица починаа од COVID-19

Читај повеќе

НАТО ѝ одговори на Русија

Читај повеќе

Русија ги прекинува дипломатските односи со НАТО

Читај повеќе

Официјално: ВМРО-ДПМНЕ победи во Гази Баба и Кисела Вода, втор круг во Чаир

Читај повеќе