Plus size моделот Ешли Греам сподели фотографија на социјалните мрежи на која го покажа целулитот на нозете и наиде на осуда од јавноста. Нејзините пораки сепак се инспирација за многу жени чиј изглед не се совпаѓа со стереотипите за убавина и витост.
Таа не обрнува внимание на злобните коментари и возвраќа со насмевка и самодоверба.
„Сметам дека ниту една жена не треба да се срами од своето тело. Редовно вежбам, внимавам да се хранам здраво и си го сакам телото. Не се срамам од своите облини, нерамнини и целулитот, а не би требало ни вие“, рече таа.
Ешли истакна дека има огромна поддршка од сопругот на кого целулитот на нејзините нозе воопшто не му е важен, па смета дека ни на остатокот од светот не треба да му биде.
Моделот заблеска на црвениот тепих за свеченоста Time 100 каде се појави со сопругот Џастин Ервин со кого е во брак од 2010 година.