Манчестер Јунајтед вчера ја продолжи серијата од лоши резултати во новата сезона. Избраниците на Жозе Мурињо загубија на гостувањето кај Вест Хем со резултат од 3:1.
Покрај лошиот резултат, тимот на Јунајтед се соочува и со лоша атмосфера во соблекувалната. Играчите имаат меѓусебни кавги, а најголемиот конфликт е оној помеѓу Мурињо и Погба.
Иако се зборуваше многу за лошата претстава на Јунајтед во Вест Хем, сепак најголем впечаток веројатно остави катастрофалното изведување на корнер од страна на играчот на гостите Ешли Јанг.
Наместо преку неговиот центаршут после еден корнер да ја доведе во опасност одбраната на Вест Хем, Јанг лошо ја зафати топката и му ја додаде на противничкиот напаѓач кој веднаш тргна во контра.
Стануваше збор за Арнаутовиќ кој ја прифати таа топка и влезе во шанса за гол, но за среќа по Јанг и Јунајтед, Австриецот не беше прецизен.
Корнерот на Јанг дефинитивно е еден од најлошо изведените во историјата на овој спорт.
