Организаторите, по испорачаните барања, го прогласија протестот за „Монструм“ за завршен.
Меѓутоа, дел од учесниците во протестот одбиваат да се повлечат и фрлаат со различни предмети кон полицискиот кордон.
Поединци од протестот се обидуваат да предизвикаат инциденти. Екипата на МИА беше нападната на протестот, по што привремено беше прекинат преносот во живо.
Полицијата се обидува да ги растури насилните групи со употреба на солзавец, пренесе ТВ 21. Според информациите неколку полициски службеници се повредени, а на терен е се и возила на Брзата помош.
Учесниците во протестот се на дистанца од стотина метри од полицискиот кордон и се наоѓаат на локацијата на Бит-пазар.
Дел од демонстрантите сѐ уште фрлаат предмети кон полицијата, а се слушаат и експлозии од шок-бомби.
Извор: 360 Степени
