Затворањето на воздушниот простор ќе резултира со откажувања и/или пренасочување кон други аеродроми.

Летовите до градот Катанија на источниот крај од италијанскиот остров Сицилија се прекинати денеска по ерупцијата на блискиот вулкан Етна, соопшти аеродромскиот оператор, што им донесе дополнителни проблеми на патниците за време на екот на летната туристичка сезона. Етна, еден од најактивните вулкани во светот, забележа интензивна активност во последните денови, исфрлајќи врела пепел и лава.
Аеродромот „Винченцо Белини“ во Катанија веќе беше затворен претходно месецов поради пепел во воздухот над областа. Пристаништето делува како центар на источниот дел на Сицилија и привлекува повеќе туристи отколку главниот град на островот, Палермо. Во соопштението се наведува дека властите донеле одлука „да ги прекинат сите дојдовни и појдовни летови“.
„Суспензијата ќе резултира со откажувања и/или пренасочување кон други аеродроми“, рекоа тие, додавајќи дека нормалното функционирање на аеродромот ќе продолжи кога ќе престане исфрлувањето на пепел.
⚠ETNA: a causa dell’attività eruttiva e dell’emissione di cenere è stata predisposta la sospensione delle operazioni di volo. Seguiranno aggiornamenti sulla riapertura della pista. I passeggeri sono pregati di contattare la compagnia aerea per informazioni riguardo il volo. pic.twitter.com/Gvaq63XwM5
— Aeroporto di Catania (@CTAairport) July 23, 2024
Затворањето на аеродромот во Катанија резултираше со пренасочување на некои летови до „Фалконе Борселино“ во Палермо. Летот на Ryanair од Букурешт до Катанија, EasyJet од Лондон, EasyJet од Лион, Eurowing од Келн и Варшава, Ryanair од Сантјаго де Компостела, Japan Airlines од Оулу, Vueling од Барселона, Latam Airlines од Барселона, Iberia од Барселона, карго на Qatar Airways од Барселона и уште еден лет на Ryanair од Лондон беа пренасочен кон Трапани. Danish Air од Лампедуза беше пренасочен кон Комизо.