ЕУ бара целосна либерализација на поштенскиот пазар во земјава

Скопје, 12 јуни 2019 (МИА)  – Агенцијата за пошта повторно ќе препорача целосна либерализација на поштенскиот пазар во државава, што е една од забелешките во Извештајот на ЕК за оваа област, од каде препорачуваат регулаторното тело да продолжи со јакнење на административнте капацитети, а властите да ја почитуваат неговата независност.

„Либерализацијата на пазарот беше одложена во четири наврати. Последното одложување беше со законската измена и важи до 1 јануари 2020 година. Агенцијата за пошти во континуитет ќе остане на ставот дека либерализацијата мора да се случи“, изјави денеска за МИА директорката на Агенцијата за пошти Билјана Аврамовска Ѓореска.

Според неа, Македонска пошта се подготвува за претстојниот процес на целосна либерализација.

„Имаме одлична соработка со Македонска пошта и ќе почнеме да работиме на усогласување за измени на Законот за поштенски услуги каде што ќе ги имаме во предвид сите недостатоци и потреби што произлегуваат од секојдневното работење. На добар пат сме да направиме добро и за пазарот и за сите даватели на поштенски услуги“, рече директорката на АП.

Таа потенцираше дека Агенцијата за пошти работи и на забелешките од ЕК за потребата од зајакнување на административните капацитети, како и за усогласување на домашното со законодавството на ЕУ, активности што се спроведуваат преку тековниот твининг проект.

Никола Бертолини, раководител на Секторот за соработка во Делегацијата на ЕУ во Скопје, претставувајќи ги предизвиците за поштенскиот сектор во државава од Извештајот на ЕУ потенцираше дека  претстојат уште многу активности за целосно либерализирање на поштенскиот пазар.

„Препораките се дека пазарот треба да биде либерализиран до 1 јануари 2020 година, а тоа е датум што веќе тропа на вратата. Македонска пошта односно назначениот поштенски оператор  за унвиерзална услуга мора да воведе посебно сметководство и пресметување на нето трошоците за воопшто пазарот да биде либерализиран. Истовремено властите мора да ја почитуваат независноста на Агенцијата за пошти и да се зајакнат административните и регулаторните капацитети на ова тело“, изјави Бертолини.

Александар Милошевски, потпретседател на Сојузот на стопански комори каде членуваат приватни поштенски оператори, се надева дека годинава нема да се одложи либерализацијата за која како што истакнува треба да бидат подготвени и 30-те приватни поштенски оператори кои ќе добијат дополнителна работа.  –  Факт е дека треба да се зголеми капацитетот на Агенцијата за пошти и таа да има поголем број на вработени, како и да се направат одредени измени во Законот за поштенски услуги со кои ќе се зајакне контролата на поштенските оператори, ќе се зајакне користењето на  софтверските решенија кај поштенските оператори и новната повзраност со Агенцијата за пошти, како и за контрола а достава со цел граѓаните да добијат подобра услуга, рече Милошовски, одговарајќи на новинарско прашање.

Живеејќи во време во кое  он лајн трговијата се зголемува сериозно секаде поштенските оператори како крајна алка во тој синѕир мора да бидат посилни со квалитетна услуга за сите.

Состојбите на поштенскиот пазар се дел од темите на пленарниот состанок на Европскиот комитет за поштенска регулација, што се одржува денеска и утре во Скопје, а чиј домаќин е Агенцијата за пошти.

реклама

Македонија

Шахпаска: Остануваме на ставот дека родителите треба да се вратат на работа

Read more

Колку училишта ги исполнуваат условите за настава со физичко присуство?

Read more

Банките предвреме ќе ја исплатат пензијата за септември

Read more

Театрите и кината ќе работат според Протоколот за организирање настани

Read more

Вести

Шахпаска: Остануваме на ставот дека родителите треба да се вратат на работа

Читај повеќе

Колку училишта ги исполнуваат условите за настава со физичко присуство?

Читај повеќе

Банките предвреме ќе ја исплатат пензијата за септември

Читај повеќе

Театрите и кината ќе работат според Протоколот за организирање настани

Читај повеќе

Студентските и средношколските домови ќе се отворат со намален капацитет, но одбиените ќе добијат надомест

Читај повеќе

Дневен преглед на состојбата со COVID-19 во светот

Читај повеќе

Организаторите на Нобелова награда се откажаа од традиционалната церемонија во Стокхолм

Читај повеќе

Трамп: Кина мора да одговара пред светот поради COVID-19

Читај повеќе

Филипче: Регионалната работна група интензивно работи на одлука за отворање на границите

Читај повеќе