На ниво на Европската Унија стапи на сила забраната за продажба на цигари со ментол, како дел од обидите да се обесхрабрат младите од пушење и да се спречи да станат зависници од цигари.
Забраната за ароматизирани цигари и тутунски производи стапи на сила во 2016 година, но производите како цигари со вкус на ментол до денеска беа легално достапни на пазарот.
Оваа регулатива е дел од директивата на ЕУ за тутунски производи усвоена во 2014 година по напорни преговори, притисоци од индустријата и низа правни предизвици.
Новите правила имаат за цел да се намали стапката на пушење кај младите. Европската комисија наведува дека пушењето е најчеста причина за прерана смрт во ЕУ.
Според официјалните податоци, во земјите на ЕУ тутунски производи користта 26% од вкупната популација и 29% од младите на возраст меѓу 15 и 24 години.