ЕУ ја повика Русија „веднаш да ги ослободи“ луѓето, што во официјалното соопштение ги опиша како „мирни демонстранти“, и кои вчера беа уапсени затоа што протестираа против корупцијата која ја зафати целата земја.
Водечкиот критичар на руската влада Алексеј Навални, кој најави дека ќе се кандидира за претседател на земјата во 2018 година, беше еден од стотиците уапсени демонстранти во Москва, кои учествуваа на вчерашниот протестен марш, еден од најголемите што е организиран последниве години во престолнината.
Во демонстрациите во Москва учествуваа над 7.000 луѓе.
САД, исто така, ги осудија апсењата на демонстрантите во Русија и ги нарекоа „навреда против демократските вредности“.
Портпаролот на Стејт департментот Марк Тонер изјави дека САД се особено загрижени од притворот на опозицискиот лидер Алексеј Навални.