Ракометарите на Еурофарм Пелистер со 24:32 го загубија првиот натпревар од Магдебург во осмина-финалето од Европската ракометна лига.
Битолчани, синоќа на свој терен, без поддршка од публика и со преголем респект кон бундеслигашот, доживеаја висок и убедлив пораз кој беше навестен од самиот почеток на средбата кога гостите поведоа со 4:0 и на крајот славеа со осум голови разлика, што е недостижна предност во пресрет на реваншот кој ќе се игра следниот вторник во Германија.
Ракометните професионалци од Битола честитаа за победата на гостите од Магдебург и посебно на најефикасниот играч на средбата Магнусон кој постигна 10 голови.
Кај Еурофарм Пелистер се истакна Мандалиниќ со 6 гола, 5 постигна Граџан, а по 3 запишаа Мараш и Периќ.
