Еванс и Хачанов го одиграа најдолгиот меч во историјата на УС опен

Британецот Даниел Еванс, 184. играч во светот, го победи Русинот Карен Хачанов (АТП 22) во првото коло на УС опен со 6:7 (6:8), 7:6 (7:2), 7:6 ( 7:4), 4:6, 6:4.

Сепак, она што ќе се памети по овој дуел не е триумфот на аутсајдерот, туку тоа што двајцата го одиграа најдолгиот меч во историјата на последниот Грен слем на календарот.

Битката на теренот број 6 траеше 5 часа и 35 минути.

Еванс и Хачанов за 9 минути го надминаа рекордот на Стефан Едбериј и Американецот Мајкл Чанг во полуфиналето во 1992 година кога Швеѓанецот победи со резултат 6:7 (7: 3), 7:5, 7:6 (7:3), 5:7, 6:4.