Кинески Geely, кој стана сопственик на познатиот шведски бренд пред десет години, претстави нов џип кој ја дели технологијата со автомобилите Volvo.
Дека Geely „на големо“ ги собира плодовите од својата аквизиција во 2010 година најдобро покажува најавата за премиерата на новиот теренец на овој кинески производител.
Моделот под шифра KX11 би требало да има премиера на Саемот за автомобили во Шангај во април, а во меѓувреме Geely објави фотографии од возилото.
Тие покажуваат очигледен напредок во дизајнот, а она што не е видливо со голо око се крие под каросеријата.
Станува збор за технологија, пред сѐ механичката платформа Compact Modular Architecture (CMA) што KX11 ја дели со модели како што се Volvo XC40 и Polestar 2, но и некои други возила од палетата на компаниите Geely и Lynk & Co.
Почетокот на производството е најавен за третиот квартал од 2021 година, а се споменува и класичната SUS варијанта и plug-in хибридна опција.
Конвенционалниот мотор што ќе го користи KX11 е 4-цилиндричен 2.0-литарски турбо-бензинец со 238 КС (175 KW) и 350 Nm максимален вртежен момент, додека хибридната верзија во основа ќе има 3-цилиндричен 1.5-литарски турбо-бензинец, потпомогнат од електромотор.
Вкупната комбинирана моќност на хибридот е 258 КС (190 kW), а максималниот вртежен момент е 415 Nm.
