Ливерпул, 19 октомври 2019 (МИА) – Англискиот фудбалски клуб Евертон, би сакал да го ангажира италијанскиот тренер Масимилијано Алегри.
Доколку клубот од Ливерпул се раздели со Марко Силва, веднаш ќе стапи во контакт со 52-годишниот Алегри, кој се прослави како тренер на Милан и Јувентус. И на Алегри му се допаѓала идејата да ги води „карамелите“.
На Евертон сезонава не му оди како што посакуваа. По осум кола се дури на 18-то место со само 7 бода и катастрофална ефикасност со просек помал од еден гол по натпревар.
Денеска Евертон го пречекува Вест Хем, и ако загуби, може лесно да се случи да го разрешат тренерот и да го ангажираат Алегри.