Европа постигнува напредок во намалувањето на емисиите на гас, но не доволно за да ги постигне планираните цели.
Компанијата Enel Group спроведе студија со предупредување дека Европа нема да ги исполни поставените цели за намалување на емисиите на стакленички гасови доколку продолжи со „сегашното темпо“. Европската Унија сака да постигне намалување од 55 проценти до 2030 година, но според една нова студија, оваа цел нема да биде постигната до 2052 година.
Стариот континент исто така нема да ја исполни својата цел за употреба на обновлива енергија (40 проценти до 2030 година), а со сегашната стапка тоа нема да биде достижно до 2043 година, пишува Engaget.
Во студијата се наведува дека ЕУ ќе мора да инвестира приближно 3,6 илјади милијарди евра за да ги достигне поставените цели до 2030 година. Но, ова не е само за финансиски инвестиции, туку и за промена на начинот на размислување на глобално ниво. Покрај тоа, повеќето институции треба да ја намалат бирократијата за да можат идеите брзо да се преточат во конкретни акции. Ова би вклучило поголема и посилна координација помеѓу земјите-членки на ЕУ, како и глобална стратегија за поттикнување подобра пазарна интеграција.
Нема сомнение дека ЕУ ќе мора да ја преиспита својата стратегија. Целта за намалување на емисиите од 55 проценти беше значителен скок од претходната цел од 40 проценти. Enel исто така има силен поттик - дополнителни инвестиции во овие цели би ѝ помогнале на компанијата, која е една од најголемите производители на опрема и решенија за употреба на обновливи извори на енергија.
