Според најновото истражување што го објави „Mazda“, речиси 60% од европските возачи повеќе би избрале мотор со внатрешно согорување и сметаат дека бензинците и дизелашите имаат позитивна иднина.
Во истражувањето на Mazda Driver Project што беше спроведено заедно со агенцијата Ipsos MORI, беа анкетирани 11.008 луѓе на клучните европски пазари. Од нив 58% сметаат дека „уште претстојат големи иновации и подобрувања на бензинските и дизел моторите“ (65% во Полска и повеќе од 60% во Германија, Шпанија и Шведска).
Резултатите покажуваат дека потрошувачите не секогаш го делат мислењето со многу организации кои сметаат дека моторите со внатрешно согорување нема да имаат улога во иднината на автомобилите.
Тоа дополнително се поткрепува со фактот дека 31% од воачите се надеваат дека „дизел автомобилите ќе постојат и во иднината“ во време кога се зголемува бројот на електрични возила.
Исто така, во просек, 33% од возачите рекле дека ако се исти трошоците во споредба со електричен автомобил, „поради би избрале бензинец или дизел автомобил“ – во Италија дури 54% од сипитаниците се изјасниле вака.
Покрај замавот што го земаат автономните возила, само 33% од возачите „го поздравуваат доаѓањето на самовозечките автомобили“, додека во Франција и Холандија таа бројка опаѓа на 22%.
Како иницијатор на истражувањето, Mazda верува дека возењето е вештина која луѓето би сакале да ја задржат во иднина. Тоа е активност што може да биде забавна и функционална, а многумина би сакале и идните генерации да ја имаат таа вештина.
