Организаторите на ЕвроПрајд до Владата на Србија поднесоа петиција со 27.000 потписи за одржување на Прајд.
Од претседателот и премиерот се бара „да овозможат одржување на ЕвроПрајд 2022 според планираното.
Ја најавија и новата рута на саботната прошетка - од Уставниот суд до Ташмајдан, пренесуваат белградските медиуми.
„Инсистираме ЕвроПрајд да се одржи во форматот што го предвидовме, немаше ниту еден инцидент во текот на овие четири дена. Денеска е петок и вечерва со почеток во 18 часот, како и утре во истиот термин, ќе имаме два концерта на Ташмајдан. Тоа значи дека веќе направивме многу компромиси со преместувањето на концертите од Калемегдан на Ташмајдан, а тоа ѝ е познато на јавноста“, вели Горан Милетиќ.
Тој додава дека, по забраната на МВР, добиле „две шамари од правосудните институции“.
„Прво од Управниот суд и уште полошо од Обвинителството кое не најави дека ќе се занимава само со насилници, туку дека ќе ги казни сите, што е неприфатлива порака. Повторно поднесовме пријава до МВР за прошетка, за собир на отворено, тоа ќе биде протестна прошетка, малку поразлична од она што сакавме досега. Ќе поминеме пред Уставниот Суд. Ќе одиме по булеварот крал Александар, по Београдска, Илија Гарашанин, до влезот во Ташмајдан, каде што ќе се одржуваат концерти до 1 часот по полноќ“, вели тој.
Посочува дека е разочарувачки она што го најавува обвинителството.
„Доведени сме во ситуација да немаме избор, и покрај забраната на МВР, ќе се собереме. Ова е сосема поинаков Прајд од обичните што ги имавме досега. Претходно испративме покани до претставници на властите, па писма до пратениците, до министри, тоа го направивме во 2011, 2012, 2014 година... Во еден момент сре појави онаа реченица, која спонтано произлезе ‘На Прајд не се кани, на Прајд се доаѓа’. Сите знаат дека Прајдот е симболичен. Не барајте да ве поканиме“, рече тој.
