Европска недела на спортот од 23 до 30 септември за активни и здрави млади

Скопје, 22 септември 2019 (МИА) – Масовно скокање со јаже, трка со велосипеди, ноќно искачување на Водно, кросфит активности и турнир во кошарка се само дел од активностите што се организираат во рамки на Европската недела на спортот, што од 23 до 30 септември ја огранизира Агенцијата за млади и спорт со цел поттикнување на младите повеќе да спортуваат и да се рекреираат.

Директорот на АМС Дарко Каевски, на отворањето на Европската недела на спортот, посочи дека настанот има за цел да се поттикнат младите повеќе да спортуваат и да ги практикуваат здравите начини на живот.

– Предвидени се многу активности и спортски настани. Има пет главни настани проследени со околу 50-тина настани што ги спроведуваат општините, кои ни се партнери во проектот. Очекувам дека ваквите настани ќе станат пракса и на општините и на сите спортски клубови и федерации, изјави Каевски.

Главна цел е да ги поттикнеме што е можно повеќе најмладите да спортуваат, зошто, како што нагласи Каевски, само така ќе успееме да имаме здрава нација со здрави навики за спорт.

Според Александра Дичевска, која е национален координарот на Неделата на спортот, сите активности се од рекреативен карактер и отворени за сите граѓани.

– На 23 септември од 18:00 часот на Кеј ги очекуваме сите граѓани со велосипед, тротинет или ролерки да дојдат и учествуваат во аматерска штафетна трка. На 24 септември на градскиот плоштад се организира турнир 3х3 во кошарка.

На 25 септември на градскиот плоштад се организира масовно скокање на јаже.

– Нема пријавување. Сакаме сите граѓани да дојдат до 18:30 часот. Имаме обезбедено околу 550 бесплатни јажиња за скокање, маици и вода. Бесплатно ќе ги поделиме и сите заедно ќе скокаме 45 минути. Потоа следува лотарија. Ќе има број на самите јажиња и извлекувањето ќе биде на крај, објасни Дичевска.

На 27 септември следи Осветли го Скопје, рекреативно ноќно искачување на Водно, а на 28 септември се организираат над 20 кросфит активности во СЦ „Борис Трајковски“.

– На 26 и 30 септември 50 општини се вклучуваат со свои активности, како посета на првачиња и пријателски натпревари. Целта е од година во година сите 80 општини да ни се вклучат, истакна Дичевска.

реклама

Живот

Неверојатни факти за животот во Шведска

Read more

Хоакин Феникс и Руни Мара станаа родители

Read more

Кои се најбогатите славни личности во изминатата деценија?

Read more

Моќни илустрации ги покажуваат разликите меѓу Истокот и Западот

Read more

Магазин

Неверојатни факти за животот во Шведска

Читај повеќе

Што ако некој кивне или се искашла покрај вас, а вие немате маска?

Читај повеќе

Секс секој ден, дали е тоа нормално?

Читај повеќе
  • filter

Во Мексико пронајдени коски на 200 мамути стари 15.000 години

Читај повеќе
  • play_arrow

Џинови во реалниот свет за кои тешко ќе верувате дека навистина постојат

Читај повеќе
  • play_arrow

Хоакин Феникс и Руни Мара станаа родители

Читај повеќе
  • play_arrow

Кои се најбогатите славни личности во изминатата деценија?

Читај повеќе

Среќни во љубовта: Ѕвездите им се наклонети токму на овие хороскопски знаци

Читај повеќе

Ручек за вистински гурмани: Печени кременадли

Читај повеќе