Поради тоа што британско-шведската компанија не го испрати договореното количество вакцини во земјите од ЕУ, Европската комисија планира правдата да ја бара на суд.
На синоќешната средба во Европската комисија било дискутирано и за покренување правна постапка против AstraZeneca бидејќи со неисполнувањето на договорот за достава на вакцини во земјите од ЕУ директно влијаеле да забави процесот на имунизација. Според Reuters и Politico, мнозинството од земјите-членки изразиле поддршка да се покрене тужба.
AstraZeneca не го исполни навреме договорот за испраќање на договорените количини на вакцини во ЕУ. Компанијата се правдаше дека тоа е поради фактот што не може да постигне со производство, но потоа се востанови дека на Обединетото Кралство успеале да му достават онолку вакцини за колку што се договориле.
Тоа дополнително ги заплетка односите на ЕУ со Обединетото Кралство, кое, како што е познато, веќе ја напушти Унијата.
До крајот од првиов квартал AstraZeneca има доставено 30 илиони дози во ЕУ од оние 100 милиони колку што се според договорот. До крајот на вториот квартал, проценката е дека ќе бидат доставени 70 милиони, а според договорот треба 300 милиони. Но, се претпоставува дека ЕУ ќе се откаже од договорот со AstraZeneca и ќе се сврти кој Pfizer/BioNTech и Moderna.
