Пo минатонеделните добри резултати, денеска паднаа најважните индекси на европските берзи, предводени од францускиот CAC, откако тамошната влада ја намали прогнозата за економски раст.
Паневропскиот индекс Stoxx 600 беше во минус од 0,1 отсто околу 10:30 часот, при што паднаа повеќето секторски индекси, а најмногу секторот технолошки акции, за 0,8 отсто.
Меѓу најважните индекси, најмногу падна францускиот CAC, за 0,46 отсто, на 7.732 поени, додека франкфуртски DAX падна за 0,32 отсто, на 17.062 поени, а лондонскиот FTS индекс за 0,00 отсто, на 7.704 поени.
Парискиот CAC индекс падна од рекордно високо ниво постигнато во петокот, откако француската влада ја намали прогнозата за овогодинешниот економски раст од 1,4 отсто на само еден отсто, поради ефектите од војната во Украина и Појасот Газа и забавувањето на активност во трговските партнери Германија и Кина.
Меѓу најголемите индивидуални губитници беше Јувентус, со пад од 1,3 отсто, откако италијанскиот фудбалски клуб пријави дополнителна загуба во првата половина од тековната фискална година и доби забрана за учество во профитабилното европско натпреварување оваа сезона поради финансиски нерегуларности.
Од друга страна, најголем поединечен добитник беше акцијата на Curry's, која скокна за 30,6 отсто откако кинескиот е-tailer JD.com објави дека е во „многу рана фаза“ на оценување на можната понуда за британскиот продавач на електроника.
Севкупно, се очекува лесен обем на тргување бидејќи американските пазари се затворени денеска поради празникот. Токискиот Nikkei денеска ослабе за 0,04 отсто, на 38.470 поени.
