Легендарниот италијански дефанзивец Фабио Канаваро е нов тренер на Беневенто, клуб кој игра во италијанската Серија Б.
Канаваро веќе има тренерско искуство бидејќи беше тренер на кинеските клубови Гуангжу Евергранде и Тијанџин Куанџиан, а го освои и првенството, и купот во Кина.
Во Беневенто, Канаваро го наследи Фабио Сесерта со потпишување на двегодишен договор. Тимот е на 13. место и има седум бодови.
Додека беше играч, Фабио го носеше дресот на Наполи, Парма, Интер, Јувентус, Реал Мадрид и Ал-Ахли. Во 2006 година стана светски шампион со репрезентацијата на Италија.