Поранешниот фудбалер на Реал Мадрид и португалската репрезентација, Фабиу Куентрау (36), е уапсен поради нелегално одгледување ракови, јавуваат португалските медиуми.
Куентрау, наводно, одгледувал повеќе од еден тон ракови, вклучувајќи јастози и ракчиња. Пред четири години ја заврши фудбалската кариера и започна да се бави со рибарство.
„Татко ми секогаш имаше брод, секогаш беше во него. Таму се моите корени. Често одевме заедно, го засакав тоа. Кога и да имав време, кога и да бев на одмор, бев на море. Знаев дека кога ќе завршам со фудбалот дека ќе за заминавам со рибарство. Се чувствувам среќен на море, сакам да живеам таков живот, но тоа не е е работа како и секоја друга и треба да се почитува“, изјави неодамна Португалецот.
Со Реал Мадрид, Куентрау освои 2 титули во Лигата на шампионите и 2 во Ла Лига. Тој исто така крена трофеи како играч на Бенфика и Спортинг. Поранешниот лев бек одигра 106 натпревари за Реал Мадрид и постигна 1 гол, а и 52 натпревара за Португалија за која постигна 5 голови.
