Некогаш Facebook беше социјална мрежа на која се дружеа студенти. Денес милиони компании, особено малите бизниси, го користат за маркетинг и компанијата планира да се шири.
„Ако погледнете наназад во изминатите 13 години, направивме напредок во нашата мисија да го направиме светот поотворен и поповрзан“, рече Катрим Шепли, директорка на одделението на Facebook за мали бизниси во Северна Америка.
„Другите луѓе и бизниси за кои тие се грижат, и се разбира заедниците, се во сржта на сето тоа.“
Facebook денес соопшти дека 5 милиони активни огласувачи ја користат нејзината платформа.
Компанијата пријави 4 милиони огласувачи во септември, 2016 година, 3 милиони во март, 2016 и 2 милиони во февруари, 2015 година.
Instagram во почетокот на годинава соопшти дека има 1 милион свои огласувачи.
Она што е поважно од бројките и обемот, велат од Facebook, се алатките што ги креираат за мобилно оспособување на овие 5 милиони бизниси.
Facebook работи на тоа да им ги олесни на сопствениците на бизниси контролирањето и ажурирањето на информациите за нивните бизниси преку смартфоните.
На пример, компанијата неодамна овозможи сопствениците на страница на Facebook да ги ажурираат огласите со висока активност само со еден клик, како на пример ажурирањето на таргет групата на огласот, преку апликацијата за страници.
„Иако благодарение на технологијата има прекрасни можности и начини за рекламирање, на сопствениците на мали бизниси тоа може да им биде тешко за работење, особено ако се обидуваат да допрат до нови клиенти“, вели Шепли.
„Ние сакаме да ги оспособиме да работат во мобилниот свет.“
