Facebook најави промена на изгледот на Messenger за Android платформата. Новиот изглед е прилагоден на Material Design насоките за дизајн на Android апликациите, а најголемата промена се однесува на замена на линиите со опциите од врвот и дното, кои се „скриени” зад кругчиња.
Со притискање на кругчето кое лебди над останатите елементи на апликацијата се добиваат опции како што се пишување на порака и други.
Facebook Messenger на Android не доби нови функции, туку само промена на изгледот, за полесно да се вклопи во „ Android приказната”. Ова е првата Messenger апликација која сега се разликува во изгледот на iOS, веб и Windows Phone или Windows 10 mobile, на кои изгледа идентично.
Промените во изгледот на Messenger веќе се активни за некои корисници, а во наредните недели Facebook ќе ги ажурира за сите.