Во текот на вчерашниот ден корисниците на Facebook имаа проблеми со испраќање фотографии и видео снимки. Проблемот во најголема мера ги погоди корисниците ширум Европа и САД.
Утрово на официјалниот Twitter профил компанијата јавно се извини и соопшти дека проблемите на Facebook, WhatsApp и на Instagram се успешно решени.
„Приватни и деловни корисници на Facebook имаа проблеми со прикачување и испраќање фотографии, видео снимки и останати фајлови на нашите апликации и платформи. Проблемот е решен, би требало да сме 100 проценти во функција за сите корисници. Се извинуваме поради непријатностите“, наведено е во објавата.
Проблемот вчера попладне траеше неколку часа.