Лошите деловни потези, контроверзните одлуки, слабиот пробив на Metaverse и скандалите предизвикаа опаѓање на богатството на Закерберг за цели 55%.
Проценките покажуваат дека нето вредноста на извршниот директор на Meta, Марк Закерберг, паднала за 70 милијарди долари досега оваа година, што го става далеку од првите 10 најбогати луѓе во светот.
Закерберг сега е 20-та најбогата личност на планетата.
Индексот на милијардери на Bloomberg на почетокот на годината го процени личното богатство на Закереберг на над 125 милијарди долари, но на крајот на септември оваа проценка беше намалена за дури 55% - на околу 55,3 милијарди долари (Forbes го проценува неговото богатство на околу 53,4 милијарди долари).
Компанијата Meta која ги поседува Instagram, Facebook, WhatsApp, Oculus, Messenger и други, како и големите инвестиции на претходната компанија Facebook во текот на минатата година, не вродија со плод и Metaverse засега не ги дава очекуваните резултати. Исто така, големиот пад на популарноста на платформата Facebook доведе до повлекување на дел од инвеститорите и одлив на заработка, што се одрази и на личното богатство на Закерберг.
Како Закерберг изгуби 70 милилјарди долари?
Meta се соочи и со остри критики од корисниците, експертите и индивидуални инвеститори и соработници откако беа откриени доверливи документи за тоа дека високиот менаџмент знаел за проблемите што ги создава Instragram кај помладите луѓе и не презел ништо за тоа, но напротив ги искористил тие знаења за понатамошно земање пари.
Поради сето ова, нето приходот на компанијата Meta падна за 36% во однос на истиот период во 2021 година, односно за повеќе од три милијарди долари.
Со инвестиција од 10 милијарди долари во Metaverse само во текот на 2021 година и вработување до 10.000 луѓе кои го развиваат, а без значително влијание, односно заработка, резултатите се такви какви што се и тоа има значително влијание врз богатството на прв човек на сите овие компании, кој активно управува со сите нив.
Компанијата Meta, вклучително и сите компании под неа, ја забавила вработеноста најмалку до крајот на 2022 година, а како што дознава Reuters, обемот на вработувања на инженери е намален за една третина, додека во другите сектори бројката е поголема.
Bloomberg проценува дека најбогат човек на планетата и понатаму е Илон Маск, чие лично богатство е околу 270 милијарди долари.
Бил Гејтс, Џеф Безос, Бернард Арно и Гаутам Адани сè уште се меѓу најбогатите луѓе во светот.
