Facebook воведе реакции и на коментарите на објавите, за десктоп корисниците. Оваа можност наскоро се очекува и на мобилната верзија.
Беше само прашање на време кога Facebook ќе го воведе ова, а реакциите почнаа да се прикажуваат во коментарите за десктоп корисниците. Оваа опција работи исто како и реакциите на обичните објави. Опцијата уште не е присутна на мобилната верзија, но би требало за кратко време да се појави и таму.
Facebook ги воведе реакциите во Messenger пред околу еден месец, па со денешното ажурирање, овозможува да реагирате на речиси сè. Фали уште да воведе реакции на реакциите, па да не мораме да пишуваме ништо.