Сет Мекфарлен и соработниците на хумористичната анимирана серија Family Guy направија видео на PSA што треба да ги поттикне луѓето да се вакцинираат против коронавирус, пренесува Variety.
Во триминутното видео, измислениот лик од анимираната серија Питер Грифин расправа и размислува дали да се вакцинира, а ликовите Стјуи и Брајан Грифин му објаснуваат како функционира вакцината. Видеото комбинира типичен хумор од анимираната серија со вистински научни факти.
„Вакцините нѐ штитат од болести. Се создава имунитет и телото може да се бори. Вакцините против коронавирус дејствуваат така што создаваат антитела што ве спречуваат да се заразите со вирусот“, објаснува Стјуи во видеото, па со Брајан продолжуваат да објаснуваат како вакцината ги намалува симптомите на вирусот. Питер конечно е задоволен од нивното објаснување и ја прима вакцината.
„Горди сме што работевме со некои од водечките имунолози и епидемиолози на ова видео на PSA. Искористивме сѐ што ни кажаа“, рекоа извршните продуценти на Family Guy Ричард Апел и Алек Сулкин во изјава за странските медиуми.
Видеото на PSA е инаку кратко едукативно видео направено за да се крене свеста или да се сменат ставовите или однесувањата за прашања од јавен интерес.
