Девет од десет луѓе патат од синдром на фантомски вибрации, познат и како ring-xiety, покажуваат најновите истражувања. Станува збор за моментот кога ви се чини дека мобилниот телефон ви вибрира или ѕвони во џеб.
Роберт Росенберг, философ и доцент на Технолошкиот институт во Џорџија, вели дека овој феномен е предизвикан од „научени телесни навики“.
Истражувањето чии резултати беа објавени во списанието Computers in Human Behaviour, сугерира дека телефонот во џеб ни станува како дел од телото поради што забораваме дека е таму.
Така доаѓа до синдромот на фантомски вибрации.
„Неодамнешните истражувања покажаа дека 90% од студентите го имаат овој синдром“, вели Розенберг во интервју за BBC.
Експертите предупредуваат дека овој синдром може да предизвика долгорочни здравствени последици, како главоболки, стрес и пореметување на спиењето.