Кинеската компанија Farnova Automotive го претстави својот електричен хиперавтомобил наречен Othello.
Farnova Automotive е млада компанија основана во 2019 година и има намера да произведе 200 примероци од моделот Othello. Сега го претстави моделот електричен автомобил во прототип форма, кој развива 1.835 КС, а конечната верзија ќе чини 287.578 долари.
Моделот Othello се базира на шасијата на спортскиот автомобил Qiantu K50, што е резултат на договорот помеѓу Farnova Automotive и Qiantu Motors. И покрај истата платформа, автомобилите се сосема различни, и по дизајн и по перформанси.
Othello го придвижуваат два електрични мотори со комбинирана моќност од 1.810 КС и дури 12.000 Nm вртежен момент, и таа голема моќност му овозможува да забрза од 0 до 100 км/ч за 1,8 секунди, до 300 за само 8,5 секунди, и да достигне максимална брзина од 420 км/ч.
Батеријата е произведена од шведската компанија Northvolt, а нејзиниот капацитет е 75 kW. Со едно полнење на батеријата, хиперавтомобилот може да помине 600 километри.
Прототипот се карактеризира со остри превиткувања на каросеријата, gullwing врати и воздушна сопирачка на покривот. Хиперавтомобилот е долг 4.670, широк 2.080 и висок 1.145 мм, додека неговата маса е 1.350 кг.
Од 2022 година, Othello ќе се произведува во нова фабрика во Чангде и е ограничена на 200 примероци.
Farnova, исто така, сака да произведува електрични теренци, кросовери, седани, па дури и автобуси.