Обвинителката Фатиме Фетаи реагираше на повторното одложување на судењето за случајот со насилството во Општина Центар.
„Очигледно постои договор меѓу судот и одбраната со единствена цел да се одложи рочиштето. На тоа упатува околноста што списите од предметот се наоѓаат во Апелациониот суд, а беа присутни сите обвинети што не се случило долг период. Иако побаравме објаснување за доставувањето на списите, не добивме одговор“, оцени обвинителката Фатиме Фетаи по овој неуспешен обид да почне судењето за случајот „Шлаканица“.
Според неа, СЈО работи и до крајот на неделата ќе ја известат јавноста до каде се постапките што ги водат.