Ако штотуку купивте паметен телевизор на Black Friday или планирате да купите, ФБИ сака да знаете неколку работи.
Паметните телевизори се како обичните телевизори, но може да ги приклучите на интернет.
Со растот на Netflix, Hulu и другите стриминг услуги, повеќето ги гледаа смарт телевизорите како нешто што мора да го имаат. Но, како и сè што е поврзано на интернет, и телевизорот е подложен на напади од хакери, а повеќето од паметните телевизори доаѓаат со камера и микрофон. Но, како што е случајот со повеќето други уреди поврзани со интернет, производителите честопати не ја ставаат безбедноста како приоритет.
Тоа е клучната причина за преземање акција на теренската канцеларија на ФБИ во Портланд за да објави предупредување на својата веб-страница за ризиците од купување на паметен телевизор.
„Постои ризик дека вашиот телевизор може да биде порта за хакерите кои можат да ве шпионираат, затоа што преку телевизорот ве слушаат и ве гледаат, па можат да дојдат во вашиот дом кога вие сте излезени. Хакерот можеби нема да може директно да пристапи до вашиот заклучен компјутер, но можно е преку вашиот необезбеден ТВ да овозможи лесен начин да пристапи до вашиот рутер“, објави ФБИ.
ФБИ предупреди дека хакерите можат да преземат контрола врз вашиот необезбеден паметен ТВ и во најлоши случаи, да ја преземат контролата над камерата и микрофонот за да ве гледаат и слушаат.
Активните напади врз паметни телевизори се ретки, но постојат.
Претходно оваа година, хакери покажаа дека е можно да го преземат Google Chromecast streaming stick и да се емитуваат случајни видеа на илјадници жртви.
Всушност, некои од најголемите софтверски програми за упад во паметните телевизори во изминатите години беа развиени од Централната разузнавачка агенција, но беа украдени. Досиејата подоцна беа објавени на интернет.
Но, она за што ФБИ стравува е фактот што не знае колку податоци се собрани од следење на сопствените на паметните телевизори.
Washington Post претходно оваа година откри дека некои од најпопуларните производители на паметни ТВ, собираат точни информации за тоа што гледаат корисниците, со цел да им помогнат на огласувачите подобро да таргетираат реклами за своите гледачи.
На пример, проблемот со следење на ТВ стана толку проблематичен пред неколку години што производителот на паметни телевизори Vizio, мораше да плати казни од 2,2 милиони долари, откако беше фатен за тајно собирање податоци за клиентите.
ФБИ препорачува да поставите црна лента преку камерата на вашиот смарт телевизор, редовно да ги ажурирате апликациите и да ја прочитате политиката за приватност.
Исто така, препорачуваат дека најсигурно е да користите телевизор кој воопшто нема да го поврзете на интернет.
