Помалку иронично, но на самиот крај буквално изгубив сѐ, рече швајцарскиот тенисер Роџер Федерер во разговор со The New York Times по повод негивото одење во спортска пензија минатата недела.
На Лејвер купот во Лондон тој го одигра својот последен натпревар во својата 24-годишна професионална кариера.
Тоа се случи во натпреварувањето во парови каде партнер му беше неговиот најголем ривал низ кариерата, Рафаел Надал, а на спротивната страна беа Американците Џек Сок и Френсис Тиафоу. Изненадувачки, победија Американците, а Федерер имаше интересен заклучок во интервјуто со познатиот њујоршки весник.
„Некако чудно ми изгледа, но на крајот буквално сѐ изгубив. Последниот натпревар во сингл го изгубив, исто така и последниот натпревар во парови. Загуби мојата екипа, го изгубив и мојот глас поддржувајќи ги своите колеги. На крајот ја загубив и мојата работа, некако за еден или два дена сѐ изгубив. Но, и покрај тоа се чувствувам исполнето, добрто и позитивно“, истакна Федерер.
