Швајцарецот со убедлива игра ја започна одбраната на титулата на Австралијан Опен.
Роџер Федерер во голем стил ја започна одбраната на титулата на Австралијан Опен.
Швајцарецот убедливо го надигра Аијаж Беден со резултат од 6:3, 6:4, 6:3, после 101 минута игра.
Федерер на Словенецот, 51 играч во светот, му дозволи да стигне до две брејк шанси во четвртиот гејм од вториот сет, но тој не ги искористи.
Од друга страна, вториот тенисер на светот четири пат му направи брејк на Беден.
Федерер не оствари најубедлива победа, но прикажа одлична партија и постојано го диктираше темпото на теренот.
„Не очекував дека ќе се вратам овде како бранител на титулата, но успеав. Освоив трофеј во Мелбурн и 2008 година, но минатата година беше посебно. Играв финале, за кое секогаш, како и во тангото, потребни се двајца. Тоа беше Рафа, кој исто како и мене имаше одлична сезона, и тоа беше епски натпревар. Долго размислував за тој меч, бидејќи за мене тоа беше турнирот на сезоната“, порача бранителот на титулата во Австралија.
„Враќањето на Австралијан Опен е одлично чувство. Се надевам дека и оваа година ќе ми оди добро. Минатата година беше бајка, но помина. Момците се враќаат, Надал повторно игра одлично. Продолжувам напорно да работам, па ќе видиме што ќе се случи“, порача Федерер.