Поради пандемијата предизвикана од новиот коронавирус, годинава нема да се одржи Вимблдон и љубителите на тенисот нема да можат да аплаудираат на своите миленици во Лондон, но организаторите им се обратија на милиони фанови на овој спорт со порака за поддршка на сите што се борат со подмолнaтa болест во моментов.
Годинава нема да има победник на Вимблдон, но вистинските шампиони денес се многу и тоа се луѓето кои спасуваат животи. Интересно е што Вимблдон ја пренесува оваа порака со гласот на Роџер Федерер, најуспешниот играч во историјата на Гренд-слем турнирот во Лондон, кој е во улога на нараторот.
– Фановите на Вимблдон уживаат во Шампионатот од 1987 година. За жал, ова лето, мора да се обединиме, со тоа што ќе останеме разаделени. Нема да има шатори, нема скршени рекорди или гравирани трофеи. Но додека велиме „благодарам“ за вашата страст и поддршка, се потсетуваме дека ќе се појават безброј други шампиони. Медицинските работници на фронтот се борат за нас, и ние навиваме за нив.Сега играта е прекината, но ние сме обединети со надеж дека утре ќе биде подобар ден од денес, вели 8-кратниот шампион на Вимблдон.
