Популарната серија „Game of Thrones“ според многумина е вистинско ремек-дело во својот жанр.
Наводно, снимањето на секоја епизода го чинеше HBO околу 15 милиони долари.
Осмата и последна сезона што моментално се емитува, се снимаше две години и се очекуваше со огромно нетрпение.
Токму затоа, фановите не простуваат ни најмала грешка, особено не продукциска.
А токму поради тоа, имаше бурни реакции кога беше забележан огромниот пропуст: заборавена Starbucks чаша во сцена од една од најепските епизоди.
Четвртата епизода насловена „The Last of the Starks“ се емитуваше синоќа и фановите со нетрпение очекуваа да видат што ќе се случи по епската Битка Винтерфел.
Епизодата имаше изненадувачки пресврти, моменти на страст и најголемиот продукциски фејл што може да се замисли.
*Внимание! Видеото содржи спојлери за четвртата епизода од осмата сезона
Очекувано, фановите ги „запалија“ социјалните мрежи.