Возачот на Вилијамс Фелипе Маса денеска соопшти дека на крајот од оваа сезона во Формула 1 ќе ја заврши кариерата.
Бразилецот сакаше да стави крај на крајот на минатата сезона, но сепак се врати во Вилијамс, бидејќи екипата остана со празно место, откако Валтери Ботас премина во Мерцедес.
Маса, победник во 11 трки во Формула 1, изјави дека овој пат донел конечна одлука околу својата иднина.
„Прифатив да се вратам и да му помогнам на Вилијамс. Уживав во четирите прекрасни години со оваа екипа, но мојата кариера во Формула 1 ќе се заврши на крајот од сезоната“, изјави 36 – годишниот Маса.
„Имам многу спомени. Се подготвувам за последните две трки, во Бразил и Абу Даби и иако ќе бидат емотивни, се радувам што на највисоко ниво ќе ја завршам кариерата. Исто така, се радувам и за новото поглавје кое следува во мојот живот“, додаде легендарниот возач на Формула 1.
Од Вилијамс му се заблагдарија на Маса за се што направил за екипата во изминатите неколку години, а се уште не е познато кој ќе го замени.
