Фенербахче го сака најголемото засилување во историјата на лигата

Турските медиуми утринава објавија нешто шокантни најави, а велат дека Фенербахче сака да го доведе еден од најдобрите светски играчи во последната деценија, Кевин Де Брујне од Манчестер Сити.

„Моторот, главата и опашката“ на сите успеси на Манчестер Сити во последните десет години е барана опција од целиот свет, а утринава еден од најугледните турски весници Fanatik објави навистина бомбастична вест.

Како што пренесува Fanatik, Фенербахче смислил план да го реализира најголемиот трансфер во историјата на турскиот фудбал, кој дефинитивно би го довел Де Брујне.

Задачата му беше доверена на Марио Бранко, спортскиот директор на Фенербахче, кој беше задолжен од раководството на клубот да оствари контакти и да се обиде да го доведе одличниот Белгиец во наредниот период.

Секако, сè е на самиот почеток и контактите сè уште не се остварени, а никому не му е јасно како Фенербахче би можел да одговори на финансиските барања на Де Брујне, кој со години беше рекордер по висина на плата во англискиот фудбал.

Колку е тешка работата пред Фенербахче покажува и самиот факт што Де Брујне моментално заработува 400.000 фунти неделно во Премиер лигата и дека е апсолутен број еден во конкуренцијата. Исто така, интересот од Саудиска Арабија за услугите на Де Брујне не оди во прилог на турскиот гигант, а Турците дефинитивно не можат да му парираат на тоа.

Сепак, ќе биде интересно да се следи претстојниот преоден рок во кој турскиот гигант ќе претрпи одредена реконструкција.

Наводно, Фенербахче веќе го договорил првото засилување за јануари, а токму Марио Ермосо од Рома треба да го засили дефанзивниот дел на тимот предводен од Жозе Мурињо.