Мал, аматерски направен авион утрово се сруши во близина на аеродромот Дир Вели и зафати најмалку два автомобили, при што пилотот на авионот почина на лице место. Идентитетот на пилотот останува непознат, барем засега.
Според Федералната авионска администрација на САД, се работи за „експериментален“ Acroduster авион.
Снимките кои локалните медиуми ги направија од местото на настанот покажуваат најмалку едно возило кое претрпело големи штети, а пожарникарските екипи и понатаму работат на расчистување на местото. Патот до аеродромот беше затворен во текот на денот.
По несреќата, едно лице беше пренесено во локалната болница, иако не се знае дали се работи за патник од авионот или пак настрадано лице кое се наоѓало во некој од автомобилите.
Оваа несреќа се случува само неколку дена откако друг рачно направен авион се сруши во околината на Феникс.
