Кошаркарите на Феникс Санс ноќеска како гости го совладаа Лос Анџелес Клиперс и поведоа со 3-1 во финалната серија на Западот.
Феникс одлично го почна натпреварот и веќе во првата чртвртина стекна двоцифрена предност која константно ја одржуваше, а на почетокот од третата четвртина дојде и до +16 поени разлика.
Сепак, Клиперс не се предадоа и кон самиот крај успеаја да намалат дури на поен разлика (79:78), по што следуваше вистинска драма.
Иако натпреварот практично беше одлучен со еден потег, Санс на крајот заслужено славеа со 84:80 и стигнаа на чекор од НБА финалето.
Најефикасен на паркерот беше Девин Букер од победничкиот табор со скор од 25 поени, додека кај домашните Пол Џорџ запиша дабл-дабл со 23 поени и 16 скокови.
Петтиот натпревар помеѓу овие два тима е закажан за вторник од 3 часот сабајле по македонско време, а домаќин ќе биде Феникс кој со евентуална победа ќе се најде во големото финале.