Феникс Санс се зацврсти на врвот во НБА лигата со 25 победи во 30 натпревари сезонава. Овој пат славеа на гости кај Лејкерс кој настапи преполовен од повреди и ковид-позитивни.
Девин Букер постигна 24 поени во својот втор натпревар по тринеделната пауза поради повреда, а Деандре Ајтон постигна 19 поени со 11 скока и само две промашувања од натпреварот. Лејкерс ги предводеше Леброн Џејмс со 34 поени, Расел Вестбрук додаде 20, но сите освен Тревор Ариза (12) целосно потфрлија.
Леброн мина 34 минути на паркетот, а Санс буквално ја изградија целата предност во преостанатите 14 минути кои ги мина на клупата. За Лејкерс ова беше трет пораз во низа и сега повторно паднаа на половичен учинот од 16-16.
На 41 година ја постигна само шестата тројка во кариерата
Убедлив беше и Мајами Хит кој ја совлада Индијана Пејсерс со 125:96, а најемотивниот момент од играта се случи во последната четвртина кога во игра влезе Удонис Хаслем, кој набрзо погоди тројка со која Мајами го израмни клупскиот рекорд со 22 далечински фрлања на натпревар.
Хаслем има 41 година и е најстариот играч во НБА лигата, каде што дебитираше во 2003 година, како и Леброн Џејмс. Тие двајца и Кармело Ентони се единствените преостанати активни играчи од таа генерација. Хаслем целата своја кариера ја мина во Мајами, каде во последните години повеќе служеше како помошник тренер, па лидер и чувар на редот во соблекувалната, а ова му беше само 21. настап во последните четири сезони.
Ова беше негова шеста тројка во 19 години НБА кариера, а има шутнато околу 60.
Во преостанатите натпревари, Далас иако без Лука Дончиќ, но и Порзињѓис и Хардавеј Јуниор, успеа да ја победи Минесота, Њујорк беше подобар од Детроит, а Њу Орлеанс го победи Портланд.
Резултати:
Бруклин Нетс - Вашингтон Визардс одл.
Мајами Хит - Индијана Пејсерс 125:96
Њујорк Никс - Детроит Пистонс 105:91
Њу Орлеанс Пеликанс - Портланд Треил Блејзерс 111:97
Далас Маверикс - Минесота Тимбервулвс 114:102
Лос Анџелес Лејкерс - Феникс Санс 90:108
Табела:
