УФЦ борачот Тони Фергусон беше поразен на УФЦ 249 од Џастин Геjџи со технички нокаут во петтата рунда, а по борбата Американецот заврши во болница.
Тоа воопшто не е изненадување имајќи го во обѕир тоа каква беше борбата и колку тешко Геjџи го претепа Фергусон.
Претседателот на УФЦ, Дејна Вајт, потврди дека Фергусон има фрактура на главата, а според официјалната статистика примил 143 удари од кои 100 во главата.
Фергусон објави и фотографија со сопругата Кристина од болница и ѝ се заблагодари што се грижи за него.
Потоа Фергусон објави и снимка на која танцува во болничката соба, порачувајќи дека наскоро ќе биде пуштен на домашно лекување.
