Кандидатот за нов претседател на Барселона смета дека Аргентинецот заслужува посебно место во историјата на клубот кое ќе се одбележи си споменик.
Лео Меси досега целата своја сениорска кариера ја помина носејќи го дресот на Барселона. Еден од кандидатите за нов претседател на клубот е каталонскиот бизнисмен Љуис Фернандес според кого на Меси треба да му се подигне споменик без разлика дали ќе си замине или не наредното лето.
„Меси е како Федерер и сметаме дека може да игра уште многу години. Во април ќе има нов претседател кој ќе може да му покаже нов проект. Доколку сепак смета дека неговата приказна тука е завршена, треба да замине со подигната статуа до оние на Кубала и Кројф“, смета Фернандес.
Пред „Камп Ноу“ стадионот на Барса само двајца фудбалери имаат таква чест да имаат споменик. Тоа се Унгарецот Ласло Кубала и Холанѓанецот Јохан Кројф.
Кубала 12 години беше дел од Барселона (1950-1962) и одигра 256 натпревари на кои постигна 194 голови. Кројф пократко играше за Каталонците, 5 години од 1973 до 1978, но затоа пак 8 години беше тренер на тимот, од 1988 до 1996.
„Разговаравме со него и го замоливле да размисли одново и тој го направи тоа. Добро е што останува“.
Првично Меси сакаше уште летово да го напушти клубот барајќи нов предизвик, но потоа, во договор со управата, се согласи да остане до крајот на договорот кој истекува наредниот јуни.
