Португалските фудбалски асови Кристијано Роналдо и Бруну Фернандеш постигнаа најмногу погодоци од белата точка во годината зад нас.
Фудбалскиот портал Transfermarkt објави интересна статистика за играчите кои постигнале најмногу голови од белата точка во 2020 година, а Роналдо и Фернандеш се на врвот на листата.
Роналдо има постигнато 133 пенали во кариерата, а во 2020 година успешно реализираше 17.
Фернандеш во 2020 година постигна дури 15 од вкупно 35-те пенали реализирани во кариерата.
По нив, во 2020 година, најдобри изведувачи на пенали беа Чиро Имобиле со 14, Ромелу Лукаку со 10, и Андреј Крамариќ, Џордан Веретут, Нејмар, Лукас Окампос и Лионел Меси со 9, и Мохамед Салах со 8 погодоци.
