Меѓународната автомобилска федерација (ФИА) воведе ограничувања за поранешните претседатели да работат во тимови во Формула 1.
Според новите измени, вработен кој ја напуштил функцијата претседател или заменик-претседател на ФИА, ќе може да работи во Формула 1 тим само по период од 6 месеци.
Во исто време, на вработените кои потпаѓаат под овие критериуми им е забрането да користат во својата работа за Ф1 тимот доверливи податоци со кои биле запознаени како дел од нивната работа во ФИА.
Единственото лице кое моментално подлежи на овие правила е Жан Тод. Тод беше претседател на ФИА од 2009 до 2021 година, а претходно директор на тимовите Пежо и Ферари.