Fiat е принуден да направи непопуларен потег.
Stellantis одлучи привремено да го прекине производството на моделот 500e. Имено, поради слабата побарувачка за слаткиот електричен Fiat, раководството донесе одлука да ја прекине работата во фабриката Mirafiori северно од Торино на четири недели, пренесува Reuters.
Запирањето на производството започна во петокот, информира Stellantis, додавајќи дека „напорно работи за да се извлече најдоброто од оваа тешка преодна фаза“. Како дел од овие напори, групацијата објави дека инвестира 100 милиони евра во фабриката Mirafiori за да усвои батерија со повисоки перформанси и да се прилагоди на производството на хибридната верзија на електричниот модел 500. Вториот треба да стигне на пазарот следната година или најдоцна во 2026 година.
Да потсетиме дека стариот Fiat 500, кој се произведуваше во Полска, беше прекинат летово откако Fiat се откажа од инвестициите за да ги исполни новите безбедносни правила. Сè уште се произведува во алжирските погони, но не и за европскиот пазар. Затоа, Fiat се одлучи за електричен модел како основа врз која ќе се развива новиот хибрид.
Да потсетиме, Toyota, General Motors, Ford и Mercedes се само дел од производителите кои беа принудени да ги променат своите бизнис планови и да ја прошират достапноста на моделите со класичен погон.
