Словачкиот премиер Роберт Фицо неодамна беше во прва официјална посета на Бразил. Бидејќи актуелниот претседател Луис Инасиу Лула да Силва во моментот не може да ги извршува своите должности поради здравствената состојба, Фицо беше пречекан од потпретседателот, кој го нарече „премиер на Југославија“, земја што пропадна пред речиси 35 години.
Лула неодамна заврши на интензивна нега по итна операција на мозокот, па Фицо во Бразил беше пречекан од потпретседателот Жералду Алкмин.
Почна добро: „Лула ме замоли да ти испратам топла прегратка и да ја споделам неговата среќа што ве пречекува“. А, потоа се случи неверојатен гаф: „Инаку, ова е прв пат премиер на Југославија да доаѓа во посета на Бразил и ние сме среќни и почестени“.
На листот од кој читаше Алкмин точно беше спомната Словачка, а не Југославија. Што се однесува до Фицо, кој го слушал Алкмин со помош на преведувач, оставил впечаток дека не го забележал пропустот, јавува Bloomberg.
Тој рече дека се надева на „брзо закрепнување на Лула бидејќи на светот му требаат луѓе како него“.
Словачка воопшто не ни беше дел од Југославија, туку од Чехословачка, земја која се распадна истовремено со Југославија.
